विमल घर्तीमगरको कप्तानीमा यू–२३ टोलीको घोषणा, अनन्त उपकप्तान
संवाददाता
काठमाडौं । कतारमा आगामी मार्च २२ देखि २६ सम्म आयोजना हुने एएफसी यू–२३ च्याम्पियनसिपको छनोटका लागि विमल घर्तीमगरको कप्तानीमा शुक्रबार नेपाली टोलीको घोषणा गरिएको छ ।
अखिल नेपाल फुटबल संघ (एन्फा) ले घोषणा गरेको अन्तिम टोलीमा अनन्त तामाङ उपकप्तान रहेका छन् ।
राष्ट्रिय टोलीबाट नियमित खेल्दै आएका अन्जन बिष्ट, मिडफिल्डर सुनील बल, हेमन्त थापामगर, तेज तामाङसँगै रक्षक कमल श्रेष्ठ, सुमन अर्याल र दिनेश राजवंशी पनि अटाएका छन् ।
यस्तो छ नेपाली टोली ?
गोलरक्षक – अर्पण कार्की, दिप कार्की र रोमन रसाइली
रक्षक – अमित तामाङ, अनन्त तामाङ (उपकप्तान), असिम भुषाल, विकास खवास, दिनेश राजवंशी, कमल श्रेष्ठ, सुमन अर्याल र छिरिङ गुरुङ
मिडफिल्डर – अभिषेक रिजाल, एरिक विष्ट, विश्वास श्रेष्ठ, गौरव बुढाथोकी, हेमन्त थापामगर, सुनील बल, तेज तामाङ र नितिन थापा
स्ट्राईकर –विमल घर्तीमगर (कप्तान), अन्जन बिष्ट, धिरज श्रेष्ठ र प्रेजेन तामाङ
