थप १९ जनामा कोरोना भाइरसको संक्रमण पुष्टी
संवाददाता
काठमाडौं, जेठ ११ गते ।
नेपालमा आइतबार थप १९ जनामा कोरोना भाइरसको संक्रमण पुष्टी भएको छ ।
स्वास्थ्य मन्त्रालयका प्रवक्ता विकास देवकोटाका अनुसार बिहीबार १९ जना संंक्रमित थपिएका हुन् ।
आज मोरङ १, बारा १, पर्सा ३, रौतहट १, सर्लाही १, रूपन्देही ६, काठमाडौं सोह्रखुट्टेका १, नुवाकोटका १, कपिलवस्तु ३, गुल्मीमा १ जना संक्रमित थपिएका हुन् । यीमध्ये नुवाकोटमा पहिलो पटक कोरोनाको संक्रमण देखिएको हो । योसँगै कोरोना संक्रमण देशका ४२ मा देखिएको छ ।
उनीहरू सबैको स्वास्थ्य अवस्था सामान्य रहेको र स्वास्थ्यकर्मीको सम्पर्कमा रहेको प्रवक्ता देवकोटाले जानकारी दिएका छन् ।
त्यसै गरी प्रदेश नं १ मा ८४, प्रदेश नं २ मा १७९, बाग्मती प्रदेशमा ३४, गण्डकी प्रदेशमा ५, प्रदेश नं ५ मा सबैभन्दा धेरै २८१, कर्णाली प्रदेशमा ४ र प्रदेश नं ७ मा १४ जना संक्रमित रहेका छन् ।
योसँगै नेपालमा कोरोनाभाइरसका संक्रमितको संख्या ६०३ पुगेको छ। तीमध्ये ८७ जना निको भएका छन् भने तीन जनाको मृत्यु भएको छ।
