मदन भण्डारी स्वास्थ्य विज्ञान प्रतिष्ठानको अध्यापन बन्द
बागमती प्रदेशको गौरवको आयोजनाको रूपमा रहेको मदन भण्डारी स्वास्थ्य विज्ञान प्रतिष्ठानमा कार्यरत प्राध्यापकहरू विरोधमा उत्रिएका छन् । प्रतिष्ठानमा कार्यरत प्राध्यापकहरूले तलब, भत्ता बापतको भुक्तानी प्राप्त गर्न नसक्दा उनीहरूले विरोधमा उत्रिएका हुन् ।
विरोध स्वरूप प्राध्यापकहरूले गत कात्तिक २२ गतेदेखि पठनपाठन नै ठप्प पारेका छन् । अध्यक्ष सापकोटाका अनुसार प्रतिष्ठानले प्राध्यापकहरूको दैनिकी नै चलाउन समस्या पर्ने अवस्थामा पुग्दा समेत तलब भत्ता र अन्य सुविधा बापतको रकम भुक्तानी नदिएकाले पेन डाउन गरेको हो । प्राध्यापकहरूले पेन डाउन गरेसँगै विद्यार्थीहरुको पठनपाठन १५ दिनदेखि पूर्ण रूपमा ठप्प भएको छ । पठनपाठन बन्द हुँदा विद्यार्थीहरू मर्कामा परेका छन् ।
प्राध्यापकहरूले गत भदौदेखि तलब भत्ता लगायतका अन्य सुविधा बापतको रकम भुक्तानी प्राप्त नगरेको अध्यक्ष सापकोटाले बताए । नवौँ तहमा कार्यरत एक कर्मचारीले बेसिक तलब ५१ हजार रुपैयाँ सहित भत्ता, लगायतका सुविधा प्राप्त गर्नुपर्ने भए पनि प्रतिष्ठानले भुक्तानी नदिएको उनको भनाइ छ ।