प्रदेश खेलकुद विकास संशोधन विधेयक प्रमाणीकरण 

प्रदेश प्रमुख देवकोटाले नेपालको संविधानको धारा २०१ को उपधारा (२) बमोजिम प्रमाणीकरण गरेका हुन् । प्रदेश प्रमुख देवकोटाले प्रमाणीकरण गरेको सो विधेयक आन्तरिक मामिला तथा कानुन मन्त्रालयले राजपत्रमा प्रकाशन गरेसँगै कार्यान्वयनको चरणमा जानेछ । ऐन नहुँदा राष्ट्रिय खेलकुदको तयारी प्रभावित विधेयक पारित भई ऐनको रूप नदिँदा प्रदेश खेलकुद विकास परिषद्हरूको बैठक राख्न, बजेट निर्माण तथा आकार बढाउन, १०औँ राष्ट्रिय खेलकुदका लागि बोर्ड बैठक राख्नलगायत खेलाडी र खेलकुद क्षेत्रको समग्र विकास तथा विस्तारका लागि आवश्यक काम गर्न समस्या हुँदै आएको छ ।

प्रदेश सभाबाट पारित भएको सो संशोधन विधेयक प्रमाणीकारण तथा राजपत्रमा प्रकाशित नगर्दा दसाैँ राष्ट्रिय खेलकुद प्रतियोगिताको तयारीसमेत प्रभावित भइरहेको छ । ऐन नहुँदा आगामी चैत २३ गतेदेखि हुने भनिएको दसाैँ राष्ट्रिय खेलकुद छनाेट बन्द प्रशिक्षण तथा सहभागितासम्बन्धी कार्यविधि २०८१ निर्माणमा समस्या रहेको छ ।

ऐन कार्यान्वयनपश्चात् परिषद्को पूर्ण बैठक राखेर दसाैँ राष्ट्रिय खेदकुदको तयारीलगायतका विषयमा छलफल गरी निर्णय गर्नुपर्ने युवा तथा खेलकुदमन्त्री मीनकृष्ण महर्जनले जानकारी दिए । ऐन नहुँदा परिषद्को बैठक बस्न नै समस्या भइरहेको उनले बताए । उक्त समस्याका बिच पनि मन्त्रालय र परिषद्ले आवश्यक तयारी गरी निर्णायक भूमिका मात्र बाँकी रहेको उनले बताए । उनका अनुसार राष्ट्रिय खेलकुद प्रतियोगिताका लागि अर्थ मन्त्रालयसँगको सहमतिमा हालसम्म करिब नाै करोड रुपैयाँ व्यवस्थापन भएको र अपुग रकम रकम निकासाका लागि तयारी भइरहेको छ ।

खेलकुद विकासका लागि सहयोग तथा अनुदान कार्यविधि, २०८१, जिल्ला खेलकुद विकास समितिको कार्यालयमार्फत विविध खेलकुद क्रियाकलाप सञ्चालन अनुदान कार्यविधि, २०८१ र स्वयंसेवक प्रशिक्षक परिचालन कार्यविधि, २०८१ निर्माणमा समेत समस्या हुँदै आएको थियो । अन्तर्राष्ट्रिय खेलकुद प्रतियोगितामा पदक विजेता खेलाडीहरूलाई प्रोत्साहन गर्नका लागि नगदसहित सम्मान गर्नका लागि खेलाडी सम्मान कार्यक्रम कार्यविधि निर्माणमा पनि उक्त ऐन महत्त्वपूर्ण रहने प्रदेशका मन्त्री महर्जनले बताए ।