युवा पलाएन रोक्न आर्थिक उपार्जनमा जोड्न दिनु आवस्यकः मन्त्री महर्जन

बागमती प्रदेशका युवा तथा खेलकुद मन्त्री मीनकृष्ण महर्जनले युवाहरुलाई विदेश पलायन हुनबाट रोक्न आर्थिक उपार्जनमा जोड्न आवस्यक रहेको बताएका छन् । उनले प्रदेश सरकारले उत्पादनमुखि क्षेत्रमा लगानी गरी रोजगारीको अवसरहरु सृजना गर्नुपर्ने बताए ।

बागमती प्रदेश युवा परिषदको ‘युवा सीप वर्ष २०८१’ को उद्घाटन गर्दै मन्त्री महर्जनले सिपसहितको युवा उत्पादनमा सरकारले काम गर्नुपर्ने बताए ।
‘गुणस्तरिय र दक्ष जनशक्ति उत्पादनमा सरकारले लगानी बढाएर आयआर्जनमा जोड्ने प्रकृतिका कार्यक्रमहरु संचालन गर्नुपर्छ,’ उनले भने, ‘रोजगारीको लागि युवाहरु धमाधम विदेश पलाएन भईरहेकोले उनीहरुलाई स्वदेशमै रोजगारी दिने उदेश्यले बागमती प्रदेशले सिपमुलुक कार्यक्रम संचालनमा ल्याएको हो ।’

मन्त्री महर्जनले विद्यालयस्तरको शिक्षालाई आर्थिक उपार्जन र सिपसंग जोडेर अघि बढाउनु पर्नेमा जोड दिए । युवा तथा खेलकुद मन्त्रालयको बजेट न्यून रहँदा पनि युवा र खेलाडीहरुको चाहना अनुसार कार्यक्रमहरु अघि बढाएको उनको दावी छ ।

‘युवा र खेलकुद क्षेत्रमा केही गर्ने अठेटका साथ कम बजेट हुँदा समेत अनुभवका आधारमा मैले मन्त्रालय सम्हालेको हुँ । म मन्त्री हुनुभन्दा पहिले नै बजेट विनियोजन भइसकेकाले सोचे अनुरुप काम गर्न सकिएको छैन, उनले भने, तर पनि युवा र खेलाडीहरुको भावना बुझेर काम गर्ने प्रयास गरिरहेको छु ।’

मन्त्री महर्जनले यसअघिका मन्त्रीहरुले युवा परिषद र खेलकुद परिषदमा निकै न्यून बजेट विनियोजन गरेको भन्दै आक्रोश व्यक्त गरे । प्रदेश युवा परिषदको आर्थिक सहयोगमा सन्चालित निःशुल्क सीपमुलक तालिम १६०/३९० घण्टे ९विल्डिङ ईलेक्ट्रिसियन, कुक, मन्टेश्वरी, बारिष्टा, ब्यूटिसियन र वेटर० तामिम संचालन हुने बागमती प्रदेश युवा परिषद कार्यकारी उपाध्यक्ष सन्तोष चौलागाईंले जानकारी दिए । ३ महिनासम्म हेटौँडामा संचालन हुने उक्त सिपमुलुक तालिममा एक हजार ३०० जनाल सहभागिता जनाउँने उपाध्यक्ष चौलागाईँले बताए ।